shayad ruḳh-e-hayat se sarke naqab aur
bhar do mire subu men sharab-e-gulab aur
hogi mire subu se numud-e-hazar-sub.h
ubhrenge is ufuq se abhi aftab aur
aati hai ku-e-dar-o-rasan se sada hanuz
aa.e idhar jo hai koi ḳhana-ḳharab aur
maḳhmur-e-bu-e-zulf na a.enge hosh men
chhiḌke abhi nasim-e-baharan gulab aur
ai varisan-e-satvat-parvez hoshiyar
daman-e-vaqt men hain abhi inqalab aur
aa.i ‘zafar’ jo raat zaban par hadis-e-dost
nagah baḌh ga.i mire jauhar ki aab aur
Leave a Reply