ye ah-o-fughan kyuun hai dil-e-zar ke aage
kahte hain ki rote nahin bimar ke aage
phir maut ka hai samna allah bacha.e
phir dil liye jaata hai sitamgar ke aage
bikne ke liye aap na bazar men aa.e
bhijva diya yusuf ko ḳharidar ke aage
mun.im ko mubarak ye naqib aur jilau-dar
allah hi allah hai nadar ke aage
zid karte ho kyuun tiir na pahunchenge hadaf tak
arman hazaron hain dil-e-zar ke aage
sargarm-e-suḳhan huun dil-e-varafta se is tarah
jaise koi baten kare divar ke aage
Leave a Reply