Palkon Par Nam Kya Phail Gaya

palkoñ par nam kyā phail gayā

har samt dhuāñ sā phail gayā

mirī rekhā-posh hathelī par

ik shaam kā saayā phail gayā

jo harf chhupāyā logoñ se

vo chehra-ba-chehra phail gayā

tirā naam liyā to sahrā meñ

ik saaya utrā phail gayā

ab mere aur ḳhudā ke biich

ik hijr kā lamha phail gayā

jab na.e safar par niklā maiñ

rastoñ par sadma phail gayā

shāmoñ kī surḳhī simaT ga.ī

rātoñ kā qissa phail gayā

maiñ pyaas bujhāne pahuñchā to

dariyā meñ sahrā phail gayā

is arz o samā kī vus.at meñ

dukh terā merā phail gayā

Leave a Comment