Sabir Waseem
palkon par nam kya phail gaya
har samt dhuan sa phail gaya
miri rekha-posh hatheli par
ik shaam ka saaya phail gaya
jo harf chhupaya logon se
vo chehra-ba-chehra phail gaya
tira naam liya to sahra men
ik saaya utra phail gaya
ab mere aur ḳhuda ke biich
ik hijr ka lamha phail gaya
jab na.e safar par nikla main
raston par sadma phail gaya
shamon ki surḳhi simaT ga.i
raton ka qissa phail gaya
main pyaas bujhane pahuncha to
dariya men sahra phail gaya
is arz o sama ki vus.at men
dukh tera mera phail gaya
Leave a Reply