ashna.i hi sahi apni talab koi to ho
is dayar-e-ghair men bhi ham-nasab koi to ho
shor ghar tak aa gaya hai kucha-o-bazar ka
kuchh to aisa ho yahan pe mohr-e-lab koi to ho
karb-e-tanha.i liye aḳhir kahan tak ja.iye
hadisa hi ho agarche be-sabab koi to ho
saaz ke TuuTe hue taron ko phir se joḌiye
naghma-e-ḳhush-rang ya soz-e-tarab koi to ho
shaḳh se TuuTe hue patte bahut mayus hain
ek chingari sahi un ka bhi ab koi to ho
Leave a Reply