Gurbir Chhaebrra
chand taare phuul ḳhushbu sab haTa do
us ke jaisa dusra hai to bata do
us ki ik tasvir hai main ne bana.i
mera ye dil khol ke us ko dikha do
duur se mat dekhna tum ye tamasha
aag jo dekho kahin bhi to bujha do
main karunga har dua us ke liye hi
tum mujhe zahrab ye chahe pila do
main ne us ko jo likhe the barha sab
raaz rahne do vo saare ḳhat jala do
us ko to nafrat hai phulon ki mahak se
meri mayyat par jo bikhre hain haTa do
qarz tera mujh pe ‘qasid’ ye rahega
meri ḳhaak us ke mohalle men uḌa do
Leave a Reply