Ai Rashk-E-Qamar Aage Tere Shams-O-Qamar Kya

ai rashk-e-qamar aage tire shams-o-qamar kyā

sau jaañ se fidā huuñ maiñ ye hai jān-o-jigar kyā

ik aan meñ dete ho jilā ishq ke maare

in bātoñ se thī īsī-e-mariyam ko ḳhabar kyā

ġhairat meñ mohabbat meñ muravvat meñ tirā misl

paayā nahīñ ham ne kahīñ aur hogā bashar kyā

din bhar hai tasavvur hai magar baat ko ronā

karte haiñ miyāñ dekhiye ye dīda-e-tar kyā

ham tum haiñ dil-o-jāñ se agar ek hī ‘mardāñ’

kahne ko haiñ vo ek haiñ ham do haiñ magar kyā

Leave a Comment