naghme ko lai sadaf ko guhar ki talash hai
ḳhushbu huun mujh ko phuul se ghar ki talash hai
jo fikr ko yaqin ki daulat ata kare
ham ko to aise dast-e-hunar ki talash hai
jam-o-subu se hai na hai saaqi se kuchh gharaz
gulchin hai us ko bas gul-e-tar ki talash hai
ham hain azal se gard-e-rah-e-karvan hamen
divar ki talash na dar ki talash hai
abad ik nagar hai hamare vajud men
‘manzar’ hamen bhi ahl-e-nazar ki talash hai
Leave a Reply