Saqib Lakhnavi
ye ah-e-parda-dar aisi hui adu meri
habab ho ga.i aḳhir ko aabru meri
na apni ḳhud-gharzi hai na hi shikayat-e-dost
hai ishq-o-husn ke mabain guftugu meri
koi nikalne na dega zamin ho ki falak
zamane-bhar ke muqabil hai aarzu meri
qina ke ba.ad main deta nahin kisi ko javab
sifat thi aap ki jo ab hui vo ḳhuun meri
zaban hile na hile dil hile to kaam chale
ye zalzala ho to aa jaa.e guftugu meri
bhula diya mujhe tu ne tujhe main kho baiTha
na main tira hua ai zindagi na tu meri
mujhe zamane se shikva nahin ki behis hai
samajhne vaale samajhte hain guftugu meri
mire karim miri sharm hashr men rakh le
araq ke saath Tapakti hai aabru meri
ye ek vadi-e-pur-ḳhar-e-ishq thi ‘saqib’
ulajh ke rah ga.i har dil men guftugu meri
Leave a Reply