Sirajuddin Zafar
yarab sarab-e-ahal-e-havas se najat de
mujh ko sharab de unhen ab-e-hayat de
aa ham bhi raqs-e-shauq karen raqs-e-mul ke saath
ai gardish-e-zaman mere hathon men haat de
apna subu bhi a.ina-e-jam se kam nahin
rakhen jo ru-ba-ru ḳhabr-e-shash-jihat de
ai dast-e-raz markab-e-dauran hai sust-rau
la mere haath men rasan-e-ka.enat de
kuchh to khule ki kya hai pas-e-parda-e-hayat
koi pata to a.ina-e-husn-e-zat de
ai dost is zaman-o-makan ke azaab men
dushman hai jo kisi ko dua-e-hayat de
uTh rahguzar se ai dar-e-mai-ḳhana ke gada
masnad pe baiTh faisla-e-ka.enat de
is mauja-e-surur ki hai aarzu ‘zafar’
jo tab.a ko ravani-e-nil-o-farat de
Leave a Reply