shabnam-shakeel

zauq-e-nazar ko izn-e-nazara na mil saka

zauq-e-nazar ko izn-e-nazara na mil saka

tanha kabhi vo anjuman-ara na mil saka

ham par to jald khul gaya sahil ka sab bharam

achchhe rahe vo jin ko kinara na mil saka

yak-tarfa rabta hi nibhana pada hamen

un ki taraf se koi ishara na mil saka

tum bhi qusur-var nahin qissa mukhtasar

mera tumhare saath sitara na mil saka

shahron ki khaak chhani khangale hain dasht o dar

lekin hamen suragh hamara na mil saka

main bhi thi khud-pasand nahin is men shak koi

aksar to par mizaj tumhara na mil saka

ai kaash sathiyon se vo apne kabhi kahe

‘shabnam’ sa koi mujh ko dobara na mil saka

More Poems

Leave a Comment