vo jo tere faqir hote hain
aadmi be-nazir hote hain
dekhne vaala ik nahin milta
aankh vaale kasir hote hain
jin ko daulat haqir lagti hai
uff! vo kitne amiir hote hain
jin ko qudrat ne husn bakhsha ho
qudratan kuchh sharir hote hain
zindagi ke hasin tarkash men
kitne be-rahm tiir hote hain
vo parinde jo aankh rakhte hain
sab se pahle asiir hote hain
phuul daman men chand rakh liije
raste men faqir hote hain
hai khushi bhi ajiib shai lekin
gham bade dil-pazir hote hain
ai ‘adam’ ehtiyat logon se
log munkir-nakir hote hain
Leave a Reply