Asad Raza Sahar
yaar ulfat azaab lagti hai
ab mohabbat azaab lagti hai
dost dushman-numa jo hote hain
un se raghbat azaab lagti hai
ik shikayat si jaise ghar men ga.i
ab shikayat azaab lagti hai
pahle pahle to us ke ḳhvahan the
ab ye shohrat azaab lagti hai
puuri kar kar zaruraten ghar ki
har zarurat azaab lagti hai
jab se ranjish hamari ḳhatm hui
ab kudurat azaab lagti hai
jab mili hai saza shararat ki
har shararat azaab lagti hai
Leave a Reply