kis haal men rahti huun kisi taur se sun le
lillah kisi aur kisi aur se sun le
patthar ke bhi kanon se lahu bahne lagega
rudad-e-gham-e-ishq agar ghaur se sun le
ik baar nahin aisa ka.i baar hua hai
dhime se agar naam luun vo zor se sun le
jo dil pe guzarti hai kisi se na kahungi
sunna hai jise jaa.e vo chit chor se sun le
lagti hain buri aaj tujhe nuur ki baten
achchha to na bolungi kabhi ghaur se sun le
Leave a Reply