Poet
yaar ke darsan ke ḳhatir jaan aur tan bhuul ja
mukh munavvar dekh us ka rang-e-gulshan bhuul ja
chaḌh ke taazi ishq ka nit ‘man-araf’ ka sair kar
‘qad-araf’ ka pahunch ai dil mahl-o-maskan bhuul ja
tark de islam ko aur kufr saara duur kar
chhoḌ de hirs-o-hava farzand aur zan bhuul ja
aarsi men dil ke har dam dekh mukhḌa ruuh ka
jaam ko jamshed ke aur fikr-e-darpan bhuul ja
dam-ba-dam dil ke nazar suun pi ke darsan ka sharab
ai ‘alimullah’ jahan ke makr aur fan bhuul ja
Leave a Reply