Kis Ne Gham Ke Jal Bikhere

kis ne ġham ke jaal bikhere

sub.h añdhere shaam savere

is duniyā meñ kaam na aa.e

aañsū tere aañsū mere

raat kī kaifiyyat yaad aa.ī

shaam huī hai sub.h savere

husn kā dāman phir bhī ḳhālī

ishq ne lākhoñ ashk bikhere

mujh ko duniyā se kyā matlab

dil bhī merā tum bhī mere

rañgīñ rañgīñ ishq kī rāheñ

manzil manzil husn ke Dere

aaj ‘tabassum’ sab ke lab par

afsāne haiñ mere tere

Leave a Comment