Rashid Taraz
yaqin se phuTti hai ya guman se aati hai
ye dil men raushni aḳhir kahan se aati hai
makan jale hain makinon ke qatl-e-am ke ba.ad
mahak lahu ki umanDte dhuan se aati hai
payam laati hai auj-e-firaq ka mujh tak
hava jo mil ke mire mehrban se aati hai
qarar deti hai vo a.ine ko manzil-e-did
jo gard uḌ ke abhi karvan se aati hai
ziya-e-roz-e-azal zulmat-e-shaban-e-giran
faza hai jo bhi isi asman se aati hai
hamin na ja sake sajde men vasl paane ko
sada to ab bhi ‘taraz’ astan se aati hai
Leave a Reply