raat ka tarik-tar patthar jigar paani karen
ham bhala kis ke liye ye kar-e-la-sani karen
din to din raton ko bhi ye apni man-mani karen
mamlikat par dil ki yaden jaise sultani karen
bas ga.e hain aankh men manzar pas-e-manzar sarab
ham kahan tak apne ḳhvabon ki nigahbani karen
ik tilismi rang men kho jaa.en jab chehre tamam
farz hai ankhon pe kya iz.har-e-hairani karen
ab to saare faisle hain sang-dil raton ke haath
ye agar chahen to phir ḳhvabon ki arzani karen
jab udaas ankhen dilon se guftugu karne lagen
phir to lab bekar hi zikr-e-pashemani karen
Leave a Reply