Abdul Wahab Sukhan
ai meri ankho ye be-sud justuju kaisi
jo khvab khvab rahin un ki aarzu kaisi
ragon men khuun hai shakhon ki surkh-ru ghunche
khizan men ab ke baharon ki rang-o-bu kaisi
tamam patton ko mausam ne zard zard kiya
ye ek shakh-e-tamanna hai sabz-ru kaisi
karo to yaad milan ke vo avvalin lamhe
ki chhid gai thi nigahon men guftugu kaisi
ye shahr-e-dil men bhala aaj kis ki aamad hai
ye mahv-e-raqs hain khushbuen ku-ba-ku kaisi
ufuq ka chehra ‘sukhan’ is kadar udaas hai kyuun
shafaq ke rang men ye surkhi-e-lahu kaisi
Leave a Reply