taras raha huun qarar-e-dil-o-nazar ke liye
sukut-e-shab men dua jis tarah sahar ke liye
main khak-e-rah-guzar huun ki masnad-e-gul huun
ik iztirab-e-musalsal hai umr bhar ke liye
shajar ki jin se udasi tapakti rahti hai
ye sang-e-mil hain shayad miri nazar ke liye
jamal-e-dost ko mashal bana liya main ne
vafa ki rakht-e-safar hai mire safar ke liye
tire khayal ka aivan lahu se raushan hai
miri nazar ka ujala hai rahguzar ke liye
shikast jis se zamana larazta rahta hai
vahi naved-e-masarrat bhi hai ‘zafar’ ke liye
Leave a Reply