main apne ghaao gin raha huun
duur titliyon ke reshmi paron ke niile piile rang
ud rahe hain har taraf
farishte asman se utar rahe hain saf-ba-saf
main apne ghaao gin raha huun
ansuon ki os men naha ke bhule-bisre khvab aa gae
khuun ka dabao aur kam hua
nahif jism par kisi ke nakhunon ke ade-tirchhe naqsh
jagmaga uthe
labon pe luknaton ki barf jam gai
tavil hichkiyon ka ek silsila
faza men hai
lahu ki bu hava men hai
Leave a Reply