Athar Nasik
yaqin barson ka imkan kuchh dinon ka huun
main tere shahr men mehman kuchh dinon ka huun
phir is ke ba.ad mujhe harf harf hona hai
tumhare haath men divan kuchh dinon ka huun
kisi bhi din ise sar se utaar phenkunga
main ḳhud pe bojh miri jaan kuchh dinon ka huun
zamin-zade miri umr ka hisab na kar
uTha ke dekh le mizan kuchh dinon ka huun
mujhe ye dukh hai ki hasharat-e-gham tumhare liye
main ḳhurd-o-nosh ka saman kuchh dinon ka huun
Leave a Reply