Diye Jalae Gae Aaine Banae Gae

Ghulam Husain Sajid

diye jala.e ga.e aa.ine bana.e ga.e

koi bata.e yahan kaun log aa.e ga.e

mata-e-dirham-o-dinar par nahin mauquf

main so gaya to mire ḳhvab tak chura.e ga.e

bahut se log sata.e ga.e hain duniya men

magar vo mujh se ziyada nahin sata.e ga.e

charagh sard hue dhuup ki tamazat se

daraḳht niind ke aalam men tharthara.e ga.e

panah mil na sakegi kisi ko ghar men bhi

tuyur sub.h se pahle agar uḌaa.e ga.e

sahar ke vaqt hua faisla nikalne ka

qadam baḌhane se pahle diye baḌha.e ga.e

kisi ke aam se chehre ko bhulne ke liye

hazar rang ke sapne mujhe dikha.e ga.e

phir ek baar usi Dhang se bahar aa.i

saron ki fasl kaTi phuul bhi ugaa.e ga.e

zamin paanv pakaḌti hai us ilaqe ki

kahin jo kho.e ga.e us gali men paa.e ga.e

mujhe thi jin ki ghulami ki aarzu ‘sajid’

asiir kar ke mire samne vo laa.e ga.e