Dard-O-Gham Aaj Bhi Hai Aah-O-Fughan Aaj Bhi Hai

dard-o-ġham aaj bhī hai āh-o-fuġhāñ aaj bhī hai

tīrgī kā vahī sailāb-e-ravāñ aaj bhī hai

ai masīhā nafso tum ko ḳhabar hai ki nahīñ

dil kī bastī se mire uThtā dhuāñ aaj bhī hai

hai ġhalat da.avā-e-mashshātgī-e-kākul-e-dahr

gesū-e-zīst pareshān yahāñ aaj bhī hai

kyoñ sar-e-shām mizha se mirī taare TuuTe

chāñdnī kā vahī pur-kaif samāñ aaj bhī hai

de ḳhabar jā ke koī shahr-e-butāñ meñ ki ‘nadīm’

qadr-dān-e-sitam-e-gul-badnāñ aaj bhī hai

Leave a Comment