Yahya Khan Yusuf Zai
tiri yadon ke charaghon men ye jalti hui raat
miri ankhon se chhalakti rahi Dhalti hui raat
sam-e-imroz se maara hua haara hua din
kisi farda ki umidon pe bahalti hui raat
kabhi ankhon men ruke koi guzarta hua pal
kabhi sanson men aTak jaati hai chalti hui raat
na Tala hai kabhi zaḳhmon men sulagta hua din
na thami hai kabhi ashkon men ubalti hui raat
mire hathon ki lakiron men mashaqqat din ki
mire ḳhvabon ke muqaddar men hai Dhalti hui raat
Leave a Reply