barq betab hai tum ruḳh ki chamak to dekho
apni ankhon ki qasam nok-e-palak to dekho
chashm-e-maigun ki qasam mast nigahon ki qasam
daur-e-saghar ka maza sub.h talak to dekho
shaḳh-e-gul ki hai qasam meri rag-e-jan ki qasam
tum zara apni kamar ki ye lachak to dekho
mere zaḳhmon ki qasam shor-e-mohabbat ki qasam
apne husn-e-namak-afshan ka namak to dekho
dard-e-furqat ki qasam sham-e-musibat ki qasam
lagi ‘tanvir’ palak se na palak to dekho
Leave a Reply