sar pe suraj hai kahin saya-e-divar nahin
ek phaila hua sahra hai koi yaar nahin
jab se dekhi hai tiri surat-e-zeba ham ne
did-e-gul ke bhi zamane men gunahgar nahin
jab na bikte the to har shaḳhs ḳharidar mila
ab jo bazar men aa.e to ḳharidar nahin
shab ki tariki men chup-chap mujhe qatl karo
dosto sar mira shayan-e-sar-e-dar nahin
kyuun na taron ki ziya hi men ho aghaz-e-safar
sub.h hone ke to ‘arif’ koi asar nahin
Leave a Reply