Bedam Shah Warsi

Yun Gulshan-e-Hasti Ki Mali Ne Bana dali

yuun gulshan-e-hasti ki maali ne bana daali

phulon se juda kaliyan kaliyon se juda daali

sar rakh ke hatheli par aur lakht-e-jigar chun kar

sarkar men laae hain arbab-e-vafa daali

ruuya kahun main us ko ya muzda-e-bedari

ghul hai ki naqab us ne chehre se utha daali

allah-re tasavvur ki naqqashi-o-nairangi

jab ban gai ik surat ik shakl mita daali

saaqi ne sitam dhaya barsat men tarsaya

jab fasl-e-bahar aai dukan utha daali

khun-e-dil-e-ashiq ke us qatre ka kya kahna

duniya-e-vafa jis ne rangin bana daali

‘bedam’ tire girya ne tufan utha daale

aur nalon ne duniya ki buniyad hila daali

More Poems

Leave a Comment