rah-e-hayat ko asan bana sako to chalo
hamara saath agar tum nibha sako to chalo
nigah-e-naz ka jaadu jaga sako to chalo
qadam qadam pe na.e gul khila sako to chalo
rah-e-vafa men ghamon ke bahut andhere hain
har ek haal men tum muskura sako to chalo
mire ḳhayal ki duniya hai mujh pe chha.i hui
mire ḳhayal ki duniya pe chha sako to chalo
baḌe ḳhulus se chehre fareb dete hain
nigah ban ke dilon men sama sako to chalo
saja ke raat ke mathe pe chand ka jhumar
mujhe andhere men rasta dikha sako to chalo
na.i hai raah to ‘qaisar’ na.i nigah bhi ho
na.i hayat ke naghme suna sako to chalo
Leave a Reply