yaksan hai dhuan jalte ḳharabe ki mahak tak
sannaTe ka ghar se diya sunsan saḌak tak
pahle hi kaha tha mire daman se pare rah
aa hi gaya tu bhi unhin sho.alon ki lapak tak
ab main huun faqat aur koi hanpta sahra
aa.i thi mire saath un ashkon ki kumak tak
do kashtiyan kaghaz ki baha len chalo ham tum
phir to hamen milna nahin ḳhvabon ki palak tak
itni to saza saḳht na aati hui rut de
ruḳhsat ho jo biite hue mausam ki kasak tak
divar hi nikli pas-e-divar fusun rang
kohra hi bikharta mila chehron ki dhanak tak
indar se sulagte ho musavvir jo khanDar se
kho aa.e ho ja kar kahan ankhon ki chamak tak
Leave a Reply