Haal Khulta Nahin Jabinon Se

haal khulta nahin jabinon se

ranj uthae hain jin qarinon se

raat ahista-gam utri hai

dard ke mahtab zinon se

ham ne socha na us ne jaana hai

dil bhi hote hain abginon se

kaun lega sharar-e-jan ka hisab

dast-e-imroz ke dafinon se

tu ne mizhgan utha ke dekha bhi

shahr khali na tha makinon se

ashna ashna payam aae

ajnabi ajnabi zaminon se

ji ko aram aa gaya hai ‘ada’

kabhi tufan kabhi safinon se

Leave a Comment