ye khairat hi ki karamat hai aaqa
ye parde hata de
bade badshahon ki sangat hai
salana khairat ka moamla hai
to tamghe saja mere aaqa tiri haziri hai
vo tamghe jo mashriq ke malbus par tanz hain
vo tamghe jihadon ke jin ke patte jel-khanon men fariyad-khvan hain
vo jangen nishan jin ke sarhad ke andar kahin dafan hain
ye khairat hi ki karamat hai
utran se manus mahaul men
riit aisi chali hai ki har marhale fikr men
sirf imdad imdad ki gudgudati sada hai
har ik fard khairat ke shauq men sargiran hai
ye parde hata mere aaqa
ki tu bhi faqir aur main bhi
Leave a Reply