kabhi ai haqiqat-e-dilbari simat aa nigah-e-majaz men
ki tadap rahe hain hazaron dil rah-e-ishq-e-sina-gudaz men
ye kashish ye jazb ye moajiza nigah-e-yatim-e-hijaz men
ki pade the saikdon ghaznavi bhi jahan libas-e-majaz men
faqat ek nuqta gunah ka sar-e-charkh abr-e-siyah bana
nazar aaiin mujh ko jo vusaten tiri afv-e-banda-navaz men
ye nahin ki ham men nahin hain vo ye nahin ki ain hami hain vo
magar ik haqiqat-e-maanavi hai nihan libas-e-majaz men
na ana ghalat tha na haq-e-ghalat magar itni si ghalati hui
ye jo raaz tha use chahiye tha chhupana parda-e-raz men
jise pi ke piir bane javan jise pi ke chikh uthe javan
ye vo mai hai saqi-e-mai-kashan tiri chashm-e-bada-navaz men