yahi tha vaqf tiri mahfil-e-tarab ke liye
charagh-e-dil ki sulagta hai aaj sab ke liye
kabhi main jur.at-e-iz.har-e-mudda.a to karun
koi javaz to ho lutf-e-be-sabab ke liye
ufuq se chand ki champa-kali ubharti hai
saja.e jaate hain zevar nigar-e-shab ke liye
tire gada ne bhi saghar ka nuqra.i anchal
kahin se maang liya duḳhtar-e-enab ke liye
tamam umr ba-faiz-e-nigah-e-lala-ruḳhan
sanad raha huun isharat-e-chashm-o-lab ke liye
chaman se phuul ke dhoke men chun liye sho.ale
kaf-e-vafa ke liye daman-e-talab ke liye
kahin jo pursish-e-ahval par vo maa.il hon
ki ham ne dil ko sambhala hua hai jab ke liye
mujhe ḳhabar hai bahut se mata-e-zauq-e-nazar
dukan-e-kakul-o-ruḳhsar-o-chashm-o-lab ke liye
sitara sub.h ka raushan tha shaam se ‘abid’
yahi thi maut harifan-e-bazm-e-shab ke liye
Leave a Reply