Firaq Gorakhpuri
mai-kade men aaj ik duniya ko izn-e-am tha
daur-e-jam-e-be-khudi begana-e-ayyam tha
ruuh larzan aankh mahv-e-did dil ka naam tha
ishq ka aghaz bhi shaista-e-anjam tha
rafta rafta ishq ko tasvir-e-gham kar hi diya
husn bhi kitna kharab-e-gardish-e-ayyam tha
gham-kade men dahr ke yuun to andhera tha magar
ishq ka dagh-e-siyah-bakhti charagh-e-sham tha
teri duzdida-nigahi yuun to na-mahsus thi
haan magar daftar ka daftar husn ka paigham tha
shaaq ahl-e-shauq par thiin us ki ismat-dariyan
sach hai lekin husn dar-parda bahut bad-nam tha
mahv the gulzar-e-ranga-rang ke naqsh-o-nigar
vahshaten thi dil ke sannate the dasht-e-sham tha
be-khata tha husn har jaur-o-jafa ke baad bhi
ishq ke sar ta-abad ilzam hi ilzam tha
yuun gareban-chak duniya men nahin hota koi
har khula gulshan shahid-e-gardish-e-ayyam tha
dekh husn-e-sharmagin dar-parda kya laaya hai rang
ishq rusva-e-jahan badnam hi badnam tha
raunaq-e-bazm-e-jahan tha go dil-e-gham-ghin ‘firaq’
sard tha afsurda tha mahrum tha nakam tha
Leave a Reply