dil har ghadi kahta hai yuun jis taur se ab ho sake
uth aur sambhal ghar se nikal aur paas us chanchal ke chal
dekhi jo us mahbub ki ham ne jhalak hai kal ki kal
paai har ik taaviz men apne dil-e-bekal ki kal
jab naaz se hans kar kaha us ne are chal kya hai tu
kya kya pasand aai hain us naznin chanchal ki chal
hai vo kaf-e-pa narm-tar us ki ki vaqt-e-ham-sari
daale kaf-e-pa-e-sanam narmi vahin makhmal ki mal
ham hain tumhare mubtala muddat se hai ye aarzu
baitho hamare paas bhi ai jaan kabhi ik pal ki pal
hai dam ghanimat ai ‘nazir’ ab mai-kade men baith kar
tu aaj to mai pi miyan phir dekh liijo kal ki kal