ḳhirad bhi na-mehrban rahegi shu.ur bhi sar-garan rahega
in andhiyon men mira junun-e-vafa magar zau-fishan rahega
badal sakegi na fitrat-e-sarkashi ko ye gardish-e-zamana
azal se jo asman bana hai abad talak asman rahega
ulajh ulajh kar mujhe havadis ki tund lahron se khelne do
fasurda sahil ka ḳhushk mahaul mujh ko bar-e-garan rahega
abhi se meri nigahen is daur ke tasavvur ko chhu rahi hain
bujhi bujhi be-kason ki aahon pe bijliyon ka guman rahega
gharib insan ki ḳhudi ko baghavaten gudguda rahi hain
na ye jabin ab jabin rahegi na astan astan rahega
Leave a Reply