Sajjad Baluch
yuun juda hue mere dard-ashna mujh se
ek se ḳhafa huun main dusra ḳhafa mujh se
ik diye se koshish ki dusra jalane ki
aur is amal men phir vo bhi bujh gaya mujh se
teri aarzu kya hai kya nahin samajhta main
dekh apni ḳhvahish ko aur mat chhupa mujh se
raah ka shajar huun main aur ik musafir tu
de koi dua mujh ko le koi dua mujh se
main ujaaḌ gulshan men is liye hi baiTha huun
banTta hai dukh apna mauja-e-saba mujh se
Leave a Reply