aah milte hi phir judai ki
vaah kya khuub ashnai ki
na gai teri sar-kashi zalim
ham ne har-chand jabba-sai ki
dil nahin apne ikhtiyar men aaj
kya magar tu ne ashnai ki
dar pe ai yaar tere aa pahunche
tapish-e-dil ne rahnumai ki
qabil-e-sajda tu hi hai ai but
sair ki ham ne sab khudai ki
jo muqayyad hain teri ulfat ke
aarzu kab unhen rihai ki
ji men ‘bedar’ khap gai mere
khandaq us panja-e-hinai ki