Iftikhar Naseem
abhi to dil men hai jo kuchh bayan karna hai
ye baad men sahi kis baat se mukarna hai
tu mere saath kahan tak chalega mere ghazal
main rasta huun mujhe shahr se guzarna hai
kanar-e-ab main kab tak ginunga lahron ko
hai shaam sar pe mujhe paar bhi utarna hai
abhi to main ne havaon men rang bharne hain
abhi to main ne ufuq dar ufuq bikharna hai
diler hain ki abhi doston men baiThe hain
gharon ko jaate hue saa.e se bhi Darna hai
main muntazir huun kisi haath ka banaya hua
ki us ne mujh men abhi aur rang bharna hai
hazar sadiyon ki rondi hui zamin hai ‘nasim’
nahin huun main ki jise pahla paanv dharna hai
Leave a Reply