tiir nazron ke ham pe chalate raho
jhuTi ulfat sahi par jatate raho
is tarah pyaar mujh se nibhate raho
dil men ḳhushbu ke jaise basate raho
main ḳhafa huun kabhi tum ḳhafa ho kabhi
pyaar ka silsila yuun baḌhate raho
main ne to likh diya naam dil pe tire
gar miTana ho mumkin miTate raho
aa na jaa.e guman mujh men jhuTha koi
tum haqiqat ka darpan dikhate raho
pattharon ko na ehsas hoga kabhi
raat din ashk chahe bahate raho
Leave a Reply