Har-Su Khushbu Ko Fazaon Mein Bikharta Dekhun

har-su khushbu ko fazaon men bikharta dekhun

jab kisi shakh pe ik phuul ko marta dekhun

apni ankhon men naya khvab saja luun koi

jab kisi khvab ki taabir ko marta dekhun

apne ham-rah lahu roti hui ankhon par

niind ka bojh liye shab ko utarta dekhun

apna mitti ka diya aur bhi raushan ho jaae

jab kabhi chand ko angan men utarta dekhun

khidkiyan khol luun har shaam yunhi sochon ki

phir usi raah se yadon ko guzarta dekhun

‘shama’ mat todna ehsas ka aina agar

guzre vaqton ka koi aks utarta dekhun

Leave a Comment