Manzoor Hashmi
ḳhayal o shauq ko jab ham tiri tasvir karte hain
to dil ko a.ina aur aankh ko tanvir karte hain
nazar ke samne jitna ilaqa hai vo dil ka hai
to us ki be-dili ke naam ye jagir karte hain
hava mismar bhi kar de agar shahr-e-tamanna ko
phir us malbe se qasr-e-arzu tamir karte hain
hava.en paḌh ke apne naam ke ḳhat jhuum jaati hain
mohabbat se jo patton par shajar tahrir karte hain
hamare lafz a.inda zamanon se ibarat hain
paḌha ja.ega kal jo aaj vo tahrir karte hain
Leave a Reply