mirza-ghalib

Chaak Ki Khwahish Agar Wahshat Ba-Uryani Kare

chaak ki khvahish agar vahshat ba-uryani kare

subh ke manind zakhm-e-dil garebani kare

jalve ka tere vo aalam hai ki gar kiije khayal

dida-e-dil ko ziyarat-gah-e-hairani kare

hai shikastan se bhi dil naumid ya rab kab talak

abgina koh par arz-e-giran-jani kare

mai-kada gar chashm-e-mast-e-naz se paave shikast

mu-e-shisha dida-e-saghar ki mizhgani kare

khatt-e-ariz se likha hai zulf ko ulfat ne ahd

yak-qalam manzur hai jo kuchh pareshani kare

More Poems

Leave a Comment