kabhi jo ḳhaak ki taqrib-e-ru-numa.i hui
bahut uḌegi vahan bhi miri uḌaa.i hui
ḳhuda ka shukr-e-suḳhan mujh pe mehrban hua
bahut dinon se thi luknat zaban men aa.i hui
yahi hai ghazz-e-basar ye hai dekhna mera
rahegi aankh tahayyur men DabDaba.i hui
tumhara mera ta.alluq hai jo rahe so rahe
tumhare hijr ne kyuun Taang hai aḌaa.i hui
pakaḌ liya gaya jaise ki main lagata huun
bujha raha tha kisi aur ki laga.i hui
lahu lahu hua sajde men dil agarche ‘raza’
shab-e-shikast baḌe zor ki laḌa.i hui
Leave a Reply