Farooq Nazki
teri marzi na de sabat mujhe
be-yaqini se de najat mujhe
in ki nazren uThin miri janib
yaad hai pahli vardat mujhe
har bala se rahega tu mahfuz
is safar men jo rakh le saath mujhe
roz milta huun mai-kade men use
ḳhuub pahchanti hai raat mujhe
men tujhe janta huun harja.i
kyuun batata hai apni zaat mujhe
mujh ko deti hai Daal Daal hua
chhanv dete hain paat paat mujhe
Leave a Reply