Sarvat Husain
pahna.e-bar-o-bahr ke mahshar se nikal kar
dekhun kabhi maujud o mayassar se nikal kar
aa.e koi tufan guzar jaa.e koi sail
ik shola-e-be-tab huun patthar se nikal kar
a.ankhon men damak uTThi hai tasvir-e-dar-o-bam
ye kaun gaya mere barabar se nikal kar
ta-der raha za.iqa-e-marg labon par
ik niind ke TuuTe hue manzar se nikal kar
har rang men isbat-e-safar chahiye ‘sarvat’
miTTi pe dharo paanv samundar se nikal kar
Leave a Reply