yahi nahin ki zakhm-e-jan ko chara-ju mila nahin
ye haal tha ki dil ko ism-e-arzu mila nahin
abhi talak jo khvab the charagh the gulab the
vo rahguzar koi na thi ki jis pe tu mila nahin
tamam umr ki masafaton ke baad hi khula
kabhi kabhi vo paas tha jo chaar su mila nahin
vo jaise ik khayal tha jo zindagi pe chha gaya
rifaqaten thiin aur yuun ki ru-ba-ru mila nahin
tamam ainon men aks the miri nigah ke
bhare nagar men ek bhi mujhe adu mila nahin
virasaton ke haath men jo ik kitab thi mili
kitab men jo harf hai sitara-khu mila nahin
vo kaisi aas thi ada jo ku-ba-ku liye phiri
vo kuchh to tha jo dil ko aaj tak kabhu mila nahin
Leave a Reply