Girta Raha Main Rah Mein Lekin Sambhal Gaya

girta raha main raah men lekin sambhal gaya

main aaj kis maqam ki janib nikal gaya

socha kiya tha raah ye asan hai magar

pahle qadam pe paanv mira kyuun phisal gaya

adna sa ik fareb tha badla jo ye libas

aafat to tab padi ki main jab khud badal gaya

ankhen thi sharmsar kahin chain bhi nahin

us ke magar khayal se ye dil bahal gaya

ho gar khata saza ka muqarrar hai ek din

‘naqid’ zahe-nasib ki vo vaqt tal gaya

More Poems

Leave a Comment