suraj chhupa ik ik gul-e-manzar bikhar gaya
sho.ala sa koi dil men utar kar bikhar gaya
tha chandni ka jism ki shishe ka tha badan
aa.i hava to gir ke zamin par bikhar gaya
kal hans ke reg-e-dasht se kahti thi zindagi
main ne chhua hi tha ki vo patthar bikhar gaya
naddi pe ek narm kiran ne rakha jo paanv
charon taraf sada ka samundar bikhar gaya
‘ja.afar’ hamara dil bhi hai vo aa.ina ki bas
khaa.i zara nigah ki Thokar bikhar gaya
Leave a Reply