Fuzail Jafri
ḳhuun palkon pe sar-e-sham jamega kaise
dard ka shahr jo ujḌa to basega kaise
roz-o-shab yadon ke aaseb sata.enge koi
shahr men tujh se ḳhafa ho ke rahega kaise
dil jala lete the ham log andheron men magar
dil bhi un tez havaon men jalega kaise
kis musibat se yahan tak tire saath aa.e the
rasta tujh se alag ho ke kaTega kaise
aḳhir us ko bhi hai kuchh ‘ja.afari’ duniya ka ḳhayal
der tak raat ga.e saath rahega kaise
Leave a Reply